Alisson gæti verið frá í rúman mánuð!

Alisson Becker fór af velli eftir að hafa tognað aftan í læri á móti Crystal Palace á laugardaginn. Eftir sneiðmyndatöku er nú talið að Alisson gæti verið frá í rúman mánuð. Það þýðir að hann gæti misst af allt að sjö leikjum í deildinni, Deildarbikarnum og Meistaradeildinni. 

Vitezslav Jaros leysti Alisson af á lokakafla leiksins við Crystal Palace. Undir venjulegum kringumstæðum hefði Caoimhin Kelleher komið í stað Brasilíumannsins en írski landsliðsmaðurinn var veikur heima. 

Caoimhin er mjög góður markmaður. Hann er nú þegar búinn að spila tvo leiki á leiktíðinni. Hann hefur alltaf staðið sig vel þegar hann hefur leyst Alisson af síðustu árin.