Af EM

Fyrsta umferð riðlakeppni Evrópumóts landsliða er að baki suður í Þýskalandi. Þeir fulltrúar Liverpool sem spiluðu stóðu fyrir sínu. Einn komst í metabækur.

Keppnin hófst í Munchen síðasta föstudag með leik Þjóðverja og Skota. Þjóðverjar fóru á kostum og unnu metsigur 5:1. Andrew Robertson leiddi skoska liðið. Emre Can, fyrrum leikmaður Liverpool, kom inn sem varamaður og skoraði síðasta mark leiksins. Þetta var stærsti sigur í opnunarleik Evrópumóts landsliða frá upphafi.

Á laugardaginn mættust Ungverjar og Svisslendingar. Sviss vann góðan sigur 3:1. Dominik  Szoboszlai var fyrirliði Ungverja. Hann komst í metabækur fyrir að vera yngsti fyrirliði landsliðs í lokakeppni EM. Hann lagði upp mark Ungverja. 

Trent Alexander-Arnold var í liði Englands á sunnudaginn. Enskir unnu nauman sigur 1:0. Joe Gomez var varamaður. 

Holland og Pólland mættust sama dag. Virgil van Dijk og Cody Gakpo voru í byrjunarliðinu en Ryan Gravenberch var á bekknum. Pólland komst yfir en Cody Gakpo jafnaði með góðu skoti utan teigs. Holland náði svo sigri undir lokin. Cody spilaði mjög vel. 

Á þjóðhátíðardaginn var Ibrahima Konaté varamaður þegar Frakkar unnu Austurríkismenn 1:0. Hann kom ekkert við sögu.

Í gærkvöldi vann Portúgal Tékkland 2:1. Diogo Jota kom inn á sem varamaður. Vitezslav Jaros var varamarkvörður hjá Tékkum. 

Önnur umferð riðlakeppninnar byrjar í dag.