Thiago enn og aftur úr leik

Það á ekki af Thiago Alcantara að ganga. Hann spilaði sinn fyrsta leik frá því í apríl á móti Arsenal. En nú er hann einu sinni enn meiddur. Eftir því sem næst verður kosið tognaði Thiago aftan í læri. Sumir fjölmiðlar gera því skóna að Thiago sé búinn að spila sinn síðasta leik á leiktíðinni og þar með á ferli sínum með Liverpool. Samningur hans við Liverpoool rennur út í sumar. 

Sem fyrr segir spilaði Thiago sinn fyrsta leik á leiktíðinni á móti Arsenal. Hann kom þá sinn sem varamaður þegar fimm mínútur voru til leiksloka. Spænski landsliðsmaðurinn spilaði síðast í apríl en þá fór hann í aðgerð vegna meiðsla á mjöðm. 


Thiago Alcantara kom til Liverpool haustið 2020 en meiðsli hafa sett stórt strik í reikning hans frá því hann kom til Englands. Vonandi nær hann sér þannig að hann geti eitthvað komið við sögu það sem eftir er af keppnistímabilinu.