Mettilboðum verður hafnað!

Talið er að ekki sé allt búið enn hvað varðar tilraunir Al-Ittihad til að véla Mohamed Salah til Sádi Arabíu. Þarlend félög geta enn keypt leikmenn nú fram í vikuna.

Liverpool hafnaði tilboði frá Al-Ittihad á föstudaginn en þann dag var lokað fyrir félagskipti á Englandi. Það hljóðaði upp á 150 milljónir sterlingspunda. Nú telja sumir fjölmiðlar að Al-Ittiha ætli að bjóða 200 milljónir í egypska sóknarmanninn sem yrði heimsmet! 

Þó svo slíkt mettilboð myndi berast er það staðföst ætlun forráðamanna Liverpool að hafna því. Mohamed Salah sé einfaldlega ekki falur!

Vonandi stenst Mohamed allar freistingar. Þar fyrir utan þarf Liverpool ekki að selja hann því Mohamed  er samningsbundinn félaginu næstu tvö árin.