Síðasti leikur fyrir framan gömlu stúkuna

Liverpool lék á móti Aston Villa í síðasta sinn fyrir framan gömlu Anfield Road end stúkuna. Þegar næsta keppnistímabil hefst verður nýja Anfield Road end stúkan tilbúin. Sú stúka er búin að vera í því formi sem hún er núna í, sem sagt með efri og neðri stúku, frá árinu 1998.


Nýja stúkan hefur verið í byggingu síðustu mánuði. Stúkan gerir það að verkum að á næsta keppnistímabili tekur Anfield 61.017 áhorfendur. Það bætast rúmlega 7.600 sæti við núverandi áhorfendafjölda sem er 53.394. Það verður spennandi að sjá hvernig Anfield tekur sig út með nýju stúkuna.