Allt annað og betra útlit!

Eftir tvo sigra Liverpool á sex dögum er útlitið í deildinni allt í einu orðið mun betra segir Stephen Warnock fyrrum leikmaður félagsins og nú sparkspekingur. Hann segir ótrúlegt hvað mikið geti breyst á einni viku í knattspyrnunni.


,,Önnur lið eru nú farin að óttast Liverpool á nýjan leik eftir góð úrslit í síðustu tveimur leikjum. Fyrir utan sigrana lítur út fyrir að liðið sé orðið heldur taustara. Leikmenn eru að koma til baka úr meiðslum. Breiddin í liðinu er orðin meiri og sterkir menn komnir á bekkinn. Diogo og Roberto eru komnir aftur til leiks. Það er ótrúlegt hvað mikið getur breyst á einni viku. Tveir sigrar í röð og liðið hélt hreinu í báðum leikjunum. Menn þar á bæ eru auðvitað hæstánægðir með það!"


Liverpoool vann sinn fyrsta deildarleik á árinu þegar liðið vann Everton 2:0 á mánudaginn var. Í gær fylgdi Liverpool þeim sæta sigri eftir með því að vinna 0:2 útisigur á Newcastle United. Nú er að halda áfram á sömu braut!