Liverpool fær ungliða frá Írlandi

Liverpool hefur fengið mjög efnilegan ungliða til liðs við sig frá Írlandi. Um er að ræða Trent Koné-Docerty. Pilturinn er 15 ára sem hefur vakið talsverða athygli. Ýmis stórfélög höfðu áhuga á Trent. Svo sem Manchester liðin og Celtic. Hermt er að Liverpool hafi borgað Derry City 150.000 sterlingspund fyrir framherjann unga.

Liverpool hefur gengið vel að fá efnilega leikmenn til sín síðustu árin og gera þá að frambærilegum leikmönnum. Harvey Elliott er gott dæmi þó hann hafi verð aðeins eldri en Trent þegar hann kom til Liverpool.