Takk Anfield!

Það var tilfinningaþrungin stund á sjöundu mínútu leiks Liverpool og Manchester United þegar stuðningsmenn beggja liða risu úr sætum og klöppuðu til að sýna Cristiano Ronaldo, leikmanni Manchester United, og fjölskyldu hans samhug. Cristiano og kona hans Georg­ina Rodrígu­ez  áttu von á tvíburum um páskana. Sonur þeirra lést við fæðinguna en dóttir lifði. Stuðningsmenn Liverpool gerðu gott betur en að klappa því þeir sungu líka You'll never walk alone. 

Cristiano Ronaldo sendi í gær frá sér þakkir á Instagram síðu sinni með þessum orðum. ,,Einn heim­ur... Ein íþrótt... Ein alþjóðafjöl­skylda... Takk, An­field. Ég og fjöl­skylda mín mun­um aldrei gleyma þessu augna­bliki sem markaðist af virðingu og samúð."

Áður höfðu systur Cristiano, Elma og Kaita, þakkað Liverpool og stuðningsmönnum félagsins opinberlega fyrir að sýna bróður sínum þennan samhug. Elma sendi þetta frá sér. ,,Takk fyrir þetta Liverpool. Við munum aldrei gleyma því sem þið gerðuð í dag." Skilaboðin sem Kaita sendi frá sér voru þessi. ,,Þetta náði langt út fyrir knattspyrnuna."  

Hér má sjá myndskeið af því þegar klappað var fyrir Cristiano og fjölskyldu hans. Þetta er tekið af Mbl.is.