Mohamed Salah brýtur blað

Mohamed Salah braut blað í sögu Liverpool Football Club í Madríd í kvöld. Hann skoraði þá í níunda leik sínum í röð í öllum keppnum. Enginn leikmaður í sögu Liverpool hefur áður skorað í svo mörgum leikjum í röð. Mohamed er búinn að skora gegn Chelsea, Leeds United, AC Milan, Crystal Palace, Brentford, Porto, Manchester City, Watford og í kvöld á móti Atletico Madrid. Liverpool mætti líka Norwich City i Deildarbikarnum, á þessum tíma, en Mohamed tók ekki þátt í þeim leik. 



Reyndar setti Mohamed annað félagsmet í leiðinni í kvöld. Með mörkunum tveimur er Egyptinn búinn að skora að skora 31 mark í Evrópukeppni þeirra bestu. Steven Gerrard átti gamla metið sem var 30 mörk. Steven er markahæsti leikmaður Liverpool í Evrópukeppnum með 41 mark.