Jones missir af Norwich leiknum

Curtis Jones leikur ekki með Liverpool í upphafsleik liðsins í ensku úrvalsdeildinni gegn Norwich á laugardaginn vegna höfuðmeiðslanna sem hann varð fyrir í leiknum gegn Osasuna á mánudaginn.

Jones fékk heilahristing eftir að hafa fengið höfuðhögg og varð að fara af velli í fyrri hálfleik. Jürgen Klopp sagði í dag að honum væri farið að líða eðlilega aftur en að hann myndi ekki hefja æfingar fyrr en eftir helgina eins og ráðlagt er þegar menn fá heilahristing.

Fyrir utan hann og Andy Robertson eru allir hins vegar heilir og tilbúnir í slaginn fyrir laugardaginn.