Ungliði heldur á braut

Ungliðinn Yasser Larouci hefur yfirgefið Liverpool. Hann átti þess kost að gera nýjan samning en vildi það ekki og er nú farinn að leita sér að nýju félagi.

Yasser fæddist í Alsír á nýársdag 2001. Hann kom frá franska liðinu Le Havre 2017. Piltuinn vakti talsverða athygli á undirbúningstímabilinu sumarið 2019 fyrir góða leiki. 

Yasser, sem leikur sem vinstri bakvörður, var í liði Liverpool sem vann Unglingabikarinn 2019. Hann spilaði tvo leiki með aðalliði Liverpool á leiktíðinni 2019/20 og varð þar með fyrsti leikmaðurinn frá Alsír til að spila fyrir hönd félagsins. 

Liverpool klúbburinn þakkar Yasser fyrir framlag sitt til Liverpool og óskar honum góðs gengis.

Hér má lesa allt það helsta um feril  Yasser Larouci á LFCHISTORY.net.