Curtis Jones tilnefndur til verðlauna

Curtis Jones hefur verið tilnefndur til þekktra verðlauna sem kallast Gulldrengurinn. Þetta eru verðlaun sem veitt eru til efnilegasta leikmanns Evrópu. Þau hafa verið veitt frá 2003. 


Curtis hefur verið einn allra efnilegasti leikmaður Liverpool síðustu árin. Hann er búinn að spila 47 leiki með Liverpool og skora sjö mörk. Hann lék býsna stórt hlutverk hjá Liverpool á síðasta keppnistímabili, spilaði 34 leiki og skoraði fjögur mörk.


Raheem Sterling, núverandi leikmaður Manchester City, er eini leikmaður Liverpol sem hefur hlotið verðlaunin Gulldrengurinn. Hann fékk þau árið 2014.