| Grétar Magnússon

Leikið í kvöld

Nú er ljóst að leikurinn gegn Aston Villa í 3. umferð ensku bikarkeppninnar fer fram í kvöld. Mikil óvissa skapaðist í gær eftir að fjöldi smita kom upp í aðalliðshópi Villa manna.

Ljóst er að enginn leikmaður úr aðalliði Villa mun spila leikinn í kvöld og verður uppistaðan í liðinu leikmenn frá U-18 og U-23 ára liðum félagsins. Æfingaaðstöðu Villa var lokað fyrr í vikunni en yngri liðin æfa ekki á sama stað. Fleiri próf voru gerð í gær (fimmtudag) og nú í morgun var ljóst að enginn leikmaður yngri liða hafði smitast og því er hægt að spila leikinn.

Dean Smith, stjóri Villa, mun ekki stýra liðinu í kvöld enda er hann í einangrun, í hans stað verður stjóri U-23 ára liðsins, Mark Delaney, á hliðarlínunni.

Staðan minnir á leik liðanna í Deildarbikarnum fyrir rúmu ári síðan sem Liverpool þurfti að spila þó svo að félagið ætti leik sólarhring síðar í Katar (Heimsmeistarakeppni félagsliða). Þá var liðið eingöngu skipað leikmönnum úr U-18 og U-23 liðunum og leiknum lauk með 5-0 sigri Villa.

Leikurinn hefst kl. 19:45 í kvöld.


TIL BAKA
Nýlegar fréttir
Fleiri fréttir
Fréttageymslan