Thiago ennþá meiddur

Thiago Alcantara er ennþá meiddur. Hann hefur enn sem komið er ekki náð sér fyllilega eftir meiðslin sem hann varð fyrir í grannaslag Liverpool og Everton á Goodison Park. Richarlison sparkaði hann þá niður á fautalegan hátt og var rekinn af velli.  

Thiago þurfti ekki að fara í aðgerð en það hefur tekið sinn tíma fyrir hann að ná sér. Hann getur ekki leikið á móti Manchester City á morgun og hefur ekki verið valinn í landslið Spánar fyrir komandi landsleiki. Thiago ætti þó að vera tilbúinn til að spila eftir landsleikjahléið sem nú fer í hönd.