Meistarablað Rauða hersins í vinnslu

Ritnefnd Rauða hersins er nú í fullum gangi við að ljúka við meistarablaðið, sem verður veglegast blað sem komið hefur út af Rauða hernum frá því hann kom fyrst út fyrir rúmum aldarfjórðungi.

Í blaðinu verður meistaratímabilið gert upp, rætt við nokkra harða Púllara um þeirra upplifun af titlinum og spáð í spilin fyrir komandi tímabil, svo fátt eitt sé nefnt. 

Allir sem greiddu félagsgjaldið fyrir tímabilið 2019-2020 fá blaðið sent, auk smá glaðnings sem Liverpoolklúbburinn lét gera fyrir félagsmenn af þessu tilefni. 

Við munum von bráðar opna fyrir skráningu fyrir þetta tímabil, þegar við höfum tekið í notkun nýtt félagakerfi sem við erum nú að vinna hörðum höndum að. Við látum vita á þessum vettvagni þegar allt verður tilbúið.

Það verður nóg um að vera í klúbbnum í vetur og hvetjum við ykkur til að vera með frá byrjun.