Ánægður með mörkin

Curtis Jones skoraði tvö mörk á móti Lincoln City og átti stórleik þegar Liverpool vann 2:7. Hann sagðist, eftir leikinn, vera ánægður með mörkin en sigurinn hefði verið merkilegri. 

,,Ég var ánægður með þau en meiru skipti að strákarnir komu okkur áfram í næstu umferð. Mér og strákunum í liðinu gefst tækifæri til að sýna hvað við getum í hverjum leik sem ég spila. Ég hef alltaf sagt að ég muni leggja mig allan fram í hverjum leik sem ég er valinn til að spila í. Það reyni ég að gera. Ég náði aðeins að sýna hvað í mér býr. En ég á mikið ólært. Ég þarf að vera þolinmóður og þá mun minn tími koma."


Curtis Jones er búinn að standa sig mjög vel í þeim leikjum sem hann hefur spilað og hann hefur nú þegar skorað fimm mörk. Reyndar tvö til viðbótar í vítaspyrnukeppnum. Það er ekki vafi á því að hann er efnilegasti leikmaður Liverpool nú um stundir.