Alex meiddur í bili

Alex Oxlade-Chamberlain meiddist á æfingu og verður frá verkum næstu vikur. Hann fékk högg á annað hnéð eftir samstuð. Meiðslin virðast ekki mjög alvarleg en þau þýða samt að Alex missir af byrjun keppnistímabilsins. Hann er farinn heim til Liverpool í endurhæfingu. 

Meiðslin eru talin svipuð þeim sem Jordan Henderson varð fyrir í byrjun júlí. Jordan er farinn að æfa en er ekki alveg kominn á fullt.