Liverpool getur jafnað met á morgun

Já, þessi fyrirsögn er nánast orðin klisjukennd því ýmis met hafa fallið. En Liverpool getur með sigri í dag jafnað glæsilegt met.

Liverpool hefur nú unnið 17 leiki í röð í deildinni. Aðeins eitt lið hefur unnið fleiri leiki í sögu ensku úrvalsdeildarinnar. Það er Manchester City sem vann 18 leiki í röð frá ágúst þangað til í desember árið 2017. Vinni Liverpool sigur á West Ham í kvöld hefur liðið því jafnað metið.

Eins og fram kom í upphituninni fyrir leikinn getur Liverpool einnig bætt annað met sem Manchester City á - flestir heimasigrar í röð. Það er því áfram til ýmislegs að vinna þó að forskotið sé mikið i deildinni.