Meiðsli Mane ekki mjög alvarleg

---

Meiðsli Sadio Mane eru ekki of alvarleg, eins og Jürgen Klopp orðaði á blaðamannafundinum fyrir leikinn gegn West Ham annað kvöld. 

Eins og menn muna meiddist Mané snemma í leiknum gegn Wolves í síðustu viku og var ekki með í bikarleiknum gegn Shrewsbury á sunnudag, en líklega hefði hann ekki leikið stórt hlutverk í þeim leik hvort eð er. Meiðslin eru í aftanverðu læri.

Klopp staðfesti á blaðamannafundi að Mané yrði ekki með í leiknum gegn West Ham og líklega ekki heldur í leiknum gegn Southampton á laugardaginn. Allar líkur eru hins vegar á að hann verði með í fyrsta leiknum eftir vetrarhléið, sem er útileikur á móti Norwich.

Þetta er léttir og vonandi stenst þetta plan, enda Mané líklega búinn að vera okkar besti maður í vetur.