Nýtt met!

Nýtt félagsmet féll þegar flautað var til leiksloka eftir stórsigur Liverpool á Everton. Það er ekki amalegt að slá met í leik á móti Everton!


Metið er fólgið í því að Liverpool hefur nú leikið 32 leiki í röð án taps í efstu deild. Þetta er nýtt og glæsilegt met. Gamla metið var náði frá maí 1987 til mars 1988 þegar Kenny Dalglish stýrði Liverpool. Leiktíðina 1987/88, sem gamla metið teygði sig inn á, varð Liverpool Englandsmeistari.