Fabinho frá út árið

Slæmar fréttir bárust úr herbúðum félagsins í dag þegar staðfest var að Fabinho verður væntanlega ekki með fyrr en á nýju ári.


Brasilíumaðurinn skaddaði liðbönd í ökkla gegn Napoli og þurfti að fara af velli snemma í fyrri hálfleik. Jürgen Klopp var sýnilega áhyggjufullur eftir leik og sagði að honum litist ekki vel á þessi meiðsli.

Fabinho hefur verið einn besti maður liðsins á þessu tímabili og spilað hreint frábærlega sem varnarsinnaður miðjumaður. Það er því ekkert nema slæmt mál að hann sé frá keppni á gríðarlega mikilvægum punkti í tímabilinu. En nú verður Klopp að treysta á þá miðjumenn sem eru heilir og þeir verða að stíga upp.