| Sf. Gutt

Curtis Jones endurnýjar samning


Curtis Jones endurnýjaði samning sinn við Liverpool á dögunum. Samningurinn er til næstu ára. Curtis er uppalinn hjá Liverpool og dreymir um að ná að komast í aðallið félagsins. 

,,Það er stór stund fyrir mig. Ég er héðan úr borginni og draumurinn er að spila fyrir þetta magnaða félag. Ég er í skýjunum yfir því að framkvæmdastjórinn og starfsliðið hafi nógu mikla trú á mér til að bjóða mér nýjan samning."


Curtis spilar jafnan á miðjunni og getur leikið ýmsar stöður þar. Hann hefur verið hjá Liverpool frá því hann var strákur og hann hefur komist í aðalliðið. Hann hefur leikið einn leik með aðalliðinu hingað til en tók þátt í flestum leikjunum á undirbúningstímabilinu í fyrra og núna í sumar. Curtis hefur þótt með efnilegustu leikmönnum Liverpool síðustu árin. Það á eftir að koma í ljós hvort hann nær að uppfylla draum sinn um að festa sig í sessi í aðalliði Liverpool. 


TIL BAKA
Nýlegar fréttir
Fleiri fréttir
Fréttageymslan