Allir verðskulda titil!

James Milner segir að allir tengdir Liverpool verðskuldi titil. Hvort heldur stuðningsmenn Rauða hersins sem hafa stutt liðið með ráðum og dáð eða leikmennirnir sjálfir!

,,Stuðningsmennirnir hafa verið frábærir árið um kring. Þeir hafa hvatt okkur til dáða þegar við höfum þurft á hvatningu þeirra að halda. Þeir hafa staðið með okkur þegar þegar við höfum átt erfitt uppdráttar í leikjum. Strákarnir verðskulda að vinna titil en stuðningsmennirnir verðskulda það líka!"   

Liverpool missti naumlega af Englandsmeistaratitlinum. En úrslitaleikurinn um Evrópubikarinn bíður. Þá gæti biðin eftir titli endað!