Fimm sigrar í röð í þriðja sinn

Sigur Liverpool á Tottenham Hotspur í gær innsiglaði fimmta deildarsigur liðsins í röð frá upphafi leiktíðar. Það hefur aðeins gerst tvisvar áður í efstu deild í sögu félagsins. 

Á keppnistímabilinu 1978/79 náði Liverpool fyrst þessum árangri og um vorið fagnaði Liverpool enska meistaratitlinum. Liverpool endurtók fimm leikja sigurhrinu í upphafi leiktíðarinnar 1990/91. Annað sæti deildarinnar varð hlutskipti en Arsenal vann deildina. 

Hvernig sem fer í vor þá er það sérlega vel af sér vikið að vinna fimm fyrstu deildarleikina. Að þetta skuli aðeins hafa gerst tvívegis áður í sögu Liverpool segir sína sögu!