Leikið á Wembley

Leikur Tottenham og Liverpool þann 15. september næstkomandi hefur verið færður á Wembley leikvanginn í London.

Upphaflega átti þetta að vera fyrsti leikur Tottenham á þeirra nýja leikvangi, Tottenham Hotspur Stadium, en vegna öryggisástæðna urðu Tottenham að fresta opnuninni.

Liverpool á svosem ekki góðar minningar frá Wembley en á síðasta tímabili tapaðist deildarleikurinn við Tottenham 4-1.  Mohamed Salah skoraði eina mark Liverpool í leiknum og margir muna eftir hörmungar varnarleik Dejan Lovren sem varð til þess að honum var skipt útaf eftir hálftíma leik.


Vonandi fáum við betri leik frá gestunum að þessu sinni !