Adam Bogdan lánaður

Liverpool hefur lánað ungverska markmanninn Adam Bogdan til Skotlands. Adam mun spila með Hibernian á komandi leiktíð. Framkvæmdastjóri Hibernian er Neil Lennon sem var stjóri Adam hjá Bolton Wanderes.

Adam kom til Liverpool frá Bolton sumarið 2015. Leiktíðina 2016/17 var hann lánaður til Wigan Athletic. Þar sleit hann krossbönd í nóvember 2016 og hefur ekki spilað með aðalliði síðan. Hann var ekki orðinn góður af meiðslum sínum fyrr en snemma á þessu ári.  


Meiðsli hafa farið illa með feril Adam Bogdan en hann var markvörður Ungverja um tíma og á 20 landsleiki á ferilskrá sinni. Hann er búinn að spila sex leiki með Liverpool.