Grujic lánaður til Cardiff City

Serbneski miðjumaðurinn Marko Grujic hefur verið lánaður til Cardiff City út þetta tímabil.  Cardiff spila í næst efstu deild Englands og þar hittir Grujic fyrir landsliðsfyrirliðann Aron Einar Gunnarsson.

Grujic hefur ekki fengið að spila mikið á þessu tímabili og því var ákveðið að lána hann út til að hann öðlist meiri reynslu með því að spila reglulega.  Cardiff eru í toppbaráttunni í næst efstu deild og Grujic mun klárlega styrkja þá í tilraun sinni til að komast upp í úrvalsdeildina í vor.