| Sf. Gutt

Tjáir ekki að hugsa um Philippe


Alex Oxlade-Chamberlain segir að það þýði ekkert að velta sér upp úr því að Philippe Coutinho sé farinn. Hann og hinir strákarnir í liðinu séu nú þeir sem skipti máli. 


  
,,Ég virði ákvörðun Coutinho og óska honum góðs gengis en ég er ekkert á hugsa um hann núna. Hann getur ekki haft nein áhrif á úrslitin á móti Manchester City. Ég velti því meira fyrir mér hvað ég sjálfur get gert,  hvað Mo getur, hvað Sadio getur eða hver svo sem verður valinn í liðið mun gera. Við erum núna strákarnir í liðinu sem vinnum að því að ná hagstæðum úrslitin fyrir félagið. Ég hef svo sem ekkert velt því fyrir mér að Phil sé farinn. Maður tekur auðvitað eftir fréttunum og áttar sig á því að hann er farinn en það tjáir ekkert að hugsa um hvað við eigum að taka til bragðs fyrst hann er farinn. Slíkt gengur ekki og við höldum bara okkar striki."


Alex lék sinn fyrsta leik þegar City skellti Liverpool í Manchester í haust. Hann þótti lengi vel ekki gera merkilega hluti eftir að hann kom til Liverpool frá Arsenal en síðustu vikurnar hefur hann farið mjög vaxandi og látið til sín taka. Það gæti vel farið svo að hann yrði lykilmaður í liði Liverpool!







TIL BAKA
Nýlegar fréttir
Fleiri fréttir
Fréttageymslan