Sögulegur sigur

Sigurinn gegn Bournemouth var vissulega stór og kærkominn, en Liverpool setti nýtt met í enskri knattspyrnu um leið.


Með þessum fína 0-4 sigri á Bournemouth hafa síðustu fjórir útileikir liðsins unnist með a.m.k. þrem mörkum, en fyrir leikinn við Bournemouth unnust leikir við West Ham (1-4), Stoke (0-3) og Brighton (1-5).  Þetta er nýtt met í sögu enskrar knattspyrnu því ekkert lið í efstu deild hefur náð þessum árangri áður.  Við erum ekki að tala um aðeins úrvalsdeild í þessu samhengi heldur verðum við að líta aftur til ársins 1888 og þá kemur í ljós að engu liði hafði tekist þetta áður.  Vissulega merkilegt met !

Það er svo óskandi að gott gengi liðsins haldi áfram í deildinni en næsti leikur liðsins er stórleikur á útivelli við Arsenal á föstudaginn kemur.