Hefði stoppað þetta á strigaskónum!

Jürgen Klopp var nóg boðið eftir skelfilegan varnarleik Liverpool á Wembley á sunnudaginn. Hann sagðist myndu hafa getað komið í veg fyrir fyrsta markið í leiknum þó hann hefði verið á strigaskóm inni á vellinum!


Það skiljanlega þungt í Jürgen eftir leikinn og hann hafði greinilega orðið fyrir miklum vonbrigðum með leikmenn sína. Hann sagði að það hefði verið farið mjög vel yfir lið Tottenham fyrir leikinn og eins átti skipulag Liverpool að halda. Allt hundi á upphafskafla leiksins og nú er talið að Jürgen og ráðgjafar hans muni gera mannabreytingar á vörninni fyrir leikinn á móti Huddersfield á laugardaginn. 

Til álita gæti komið að setja Loris Karius eða jafnvel Danny Ward í markið. Nefnt hefur verið að Joe Gomez komi nú loksins inn í stöðu miðvarðar en það er sú staða sem honum er eiginlegt að spila. Trent Alexander-Arnold og Andrew Robinson gætu komið inn sem bakverðir.

Hvað sem verður ákveðið með varnaruppstillingu er ljóst að nú verða allir að taka sig saman í andlitinu og fara að standa undir nafni. Þetta er ekki boðlegt!