Danny Ings að fara af stað

Framherjinn Danny Ings er kominn af stað eftir langvarandi meiðsli og ætti að geta æft á fullu á undirbúningstímabilinu. Hann meiddist illa á hné á fyrrihluta síðustu leiktíðar eftir að vera nýbúinn að ná sér eftir önnur slæm meiðsli.

Danny hefur farið í gegnum endurhæfingu sína af mikilli kostgæfni. Hún miðaði að sjálfsögðu að því að styrkja hann sem allra best þannig að hann lendi ekki aftur í meiðslum. Þó svo að ekkert sé hægt að gulltryggja í þeim efnum þá er vonast til að Danny komi sterkur til leiks. 

Engin trygging er fyrir því að Danny nái fyrri leikgetu eftir tvenn slæm meiðsli en vonandi kemst hann vel í gang. Gangi það eftir mun hann styrkja leikmannahópinn vel og það munar um allt.