Mario heima

Aðallið Liverpool er nú í Ameríku við æfingar. Þar eru svo þrír æfingaleikir á dagskrá. Allir bestu leikmenn liðsins eru þar en einn frægur er þó heima í Liverpool. Þetta er Mario Balotelli en hann kom úr láni frá AC Milan í vor. Hann hóf æfingar með liðinu á sama tíma og aðrir en var þó ekki tekinn með í Ameríkuferðina. Þetta segir allt sem segja þarf um stöðu hans hjá Liverpool. 

Ekki virðist mikill áhugi á Ítalanum og það er spurning hvort hann verður enn leikmaður Liverpool þegar komandi leiktíð hefst. Tíminn leiðir það í ljós!