Snýr Xabi aftur?

Nokkuð hefur síðustu vikur verið fjallað um að hugsanlegt sé að Xabi Alonso muni koma aftur til Liverpool. Spánverjinn leikur núna með Bayern Munchen en honum mun ekki hafa verið boðinn nýr samningur ennþá sem komið er. 

Xabi yfirgaf Liverpool sumarið 2009 og gekk þá til Real Madrid. Þar vann hann fimm titla. Á síðasta ári söðlaði hann um og gerði samning við Bayern Munchen. Hann varð þýskur meistari í vor sem leið. Xabi hefur oft fjallað um ást sína á Liverpool og það væri ekki amalegt að fá hann aftur heim ef svo mætti segja.