Danny Ings meiddur!

Danny Ings verður að öllum líkindum frá út leiktíðina eftir að hafa slitið krossband í hné á æfingu í gær. 

Það á ekki af okkar mönnum að ganga. Í gær bárust fréttir af því að Joe Gomez hefði slitið krossbönd í hné og yrði ekki meira með á leiktíðinni og nú bætist Danny Ings í hópinn.

Ings tók í gær þátt í sinni fyrstu æfingu undir stjórn Jurgen Klopp, en Ings var á ferðalagi með enska landsliðinu um helgina. Hann varð fyrir lítilsháttar hnjaski á æfingunni, að því er virtist, en skoðun í morgun leiddi hið skelfilega í ljós. Samkvæmt fréttum Liverpool Echo er reiknað með að hann verði frá í 6-9 mánuði.

Þetta er vitanlega gríðarlegt áfall fyrir Ings og ekki síður Liverpool liðið því hann hefur verið einn sprækasti maður liðsins það sem af er leiktíðar.