Verður Christian lengi frá?

Christian Benteke var tekinn af velli á móti Norwich City um helgina. Hann fann fyrir meiðslum aftan í læri. Gary McAllister þjálfari aðalliðsins sagði á blaðamannafundi í dag að Christain þurfi að fara í sneiðmyndatöku. Eftir hana kemur í ljós hvort um er að ræða alvarleg meiðsli.

Christain mun ekki spila á móti Carlisle United í Deildarbikarnum annað kvöld en nú er að sjá hvort hann verður orðinn leikfær á laugardaginn þegar Aston Villa, gamla liðið hans, kemur í heimsókn.

Christian er markahæstur leikmanna Liverpool það sem af er leiktíðar með tvö mörk.