| Heimir Eyvindarson
Daily Telegraph greinir frá því í dag að Liverpool hafi boðið Jordon Ibe nýjan samning. Það er hinn ágætlega tengdi Chris Bascombe sem skrifar fréttina.
Jordon Ibe hefur fengið mikið lof fyrir frammistöðu sína með Liverpool, frá því hann kom til baka úr lánsdvöl sinni hjá Derby County í síðasta mánuði. Samningur Ibe rennur reyndar ekki út fyrr en 2017, en Bascombe segist hafa öruggar heimildir fyrir því að Liverpool hafi boðið Ibe framlengingu um nokkur ár og verulega launahækkun, eins og það er orðað í fréttinni.
Strax í lok janúar tjáði Brendan Rodgers sig opinberlega um það að hann vildi tryggja sér þjónustu Ibe um langa framtíð, þannig að í sjálfu sér kemur alls ekki á óvart að nýtt samningstilboð sé á borðinu.
Jordon Ibe er aðeins 19 ára, fæddur 8. desember 1995 og því nákvæmlega ári yngri en Raheem Sterling félagi hans hjá Liverpool. Eins og menn vita þá hafa viðræður Liverpool og Sterling um framlengingu á samningi ungstirnisins gengið frekar erfiðlega og nokkuð ljóst af fréttunum af samningaviðræðunum við Ibe, að félagið ætlar ekki að lenda í slíkum vandræðum aftur.
Þess má geta að Bascombe telur sig einnig hafa heimildir fyrir því að Ibe byrji inn á í leiknum gegn Besiktas í kvöld.
TIL BAKA
Ibe boðinn nýr samningur

Jordon Ibe hefur fengið mikið lof fyrir frammistöðu sína með Liverpool, frá því hann kom til baka úr lánsdvöl sinni hjá Derby County í síðasta mánuði. Samningur Ibe rennur reyndar ekki út fyrr en 2017, en Bascombe segist hafa öruggar heimildir fyrir því að Liverpool hafi boðið Ibe framlengingu um nokkur ár og verulega launahækkun, eins og það er orðað í fréttinni.
Strax í lok janúar tjáði Brendan Rodgers sig opinberlega um það að hann vildi tryggja sér þjónustu Ibe um langa framtíð, þannig að í sjálfu sér kemur alls ekki á óvart að nýtt samningstilboð sé á borðinu.
Jordon Ibe er aðeins 19 ára, fæddur 8. desember 1995 og því nákvæmlega ári yngri en Raheem Sterling félagi hans hjá Liverpool. Eins og menn vita þá hafa viðræður Liverpool og Sterling um framlengingu á samningi ungstirnisins gengið frekar erfiðlega og nokkuð ljóst af fréttunum af samningaviðræðunum við Ibe, að félagið ætlar ekki að lenda í slíkum vandræðum aftur.
Þess má geta að Bascombe telur sig einnig hafa heimildir fyrir því að Ibe byrji inn á í leiknum gegn Besiktas í kvöld.
Nýlegar fréttir
-
| Sf. Gutt
Í minningu Diogo Jota -
| Sf. Gutt
Bræðurnir Diogo og André bornir til grafar -
| Sf. Gutt
Diogo Jota látinn -
| Sf. Gutt
Af EM -
| Sf. Gutt
Bara Real Madrid! -
| Sf. Gutt
Þrír Evrópumeistarar! -
| Sf. Gutt
Æfingaleikir sumarsins -
| Sf. Gutt
Annar nýr markmaður -
| Sf. Gutt
Milos Kerkez kominn til Liverpool -
| Sf. Gutt
Nathaniel Phillips heldur á braut
Fréttageymslan