| Heimir Eyvindarson

Frægur fyrir leik

Á Alþingi Íslendinga sitja margir poolarar. Einn sá allra harðasti í þeim hópi er Guðlaugur Þór Þórðarson þingmaður Sjálfstæðisflokksins og fyrrverandi ráðherra. Hann er „frægur fyrir leik" að þessu sinni. 

Hvenær byrjaðir þú að halda með Liverpool?
Ég hef væntanlega verið 6 eða 7 ára. Keegan var minn maður og það urðu mér mikil vonbrigði þegar hann fór til Hamburger SV. Í Böðvarsgötunni í Borgarnesi voru aðallega tvö lið, Liverpool og Manchester City af einhverjum ástæðum. Þeir vinir mínir sem héldu með bláa liðinu hafa átt erfiða áratugi, en eru heldur brattari núna.

Hver er þinn uppáhalds Liverpool leikmaður allra tíma?
Ekki mikil frumlegheit hér. Það er Dalglish og ég var líka alltaf mikill Souness maður. En Gerrard er að taka við sem uppáhalds leikmaður allra tíma. Liðið hefði verið í mjög slæmum málum ef hans hefði ekki notið við.

Hver er í mestu uppáhaldi af núverandi leikmönnum liðsins?

Gerrard án nokkurs vafa.

Ef þú mættir kaupa einn leikmann að eigin vali til Liverpool, hver yrði þá fyrir valinu?
Í hinum fullkomna heimi: Messi, Ronaldo eða Suarez. En aðalatriðið er að fá senter. Ef við förum að skora þá mun margt lagast. Stærsti einstaki vandinn er að við skorum engin mörk. Við getum ekki verið án Sturridge. Ég hefði áhuga á að fá Cavani í janúar en ég er ekki að sjá það gerast. 

Hvernig fer leikurinn gegn Manchester United á sunnudaginn?

Ég skal viðurkenna að ég er ekki í neinu bjartsýniskasti þessa dagana. Og ég held að það verði að fresta jólunum ef við töpum um helgina. 1-1 verða úrslitin.

Í hvaða sæti endar Liverpool í vor?
Ég sagði fyrir mót að við yrðum í topp fjórum og myndum vinna bikar. Ég held mig við það og ekki orð um það meir!
TIL BAKA
Nýlegar fréttir
Fleiri fréttir
Fréttageymslan