Patrik Berger allur að koma til!

Ekki er ólíklegt að Patrik Berger fái að leika í kvöld gegn Grimsby. Það er hins vegar alveg ljóst að hann mun ekki leika allan leikinn. Berger hefur verið frá vegna hnjámeiðsla í tvo mánuði en lék sínar fyrstu 30 mínútur með varaliðinu í síðustu viku.

Gerard Houllier sagði að Berger væri enn ekki fyllilega tilbúinn. “Hann lék í hálftíma með varaliðinu um daginn án þess að finna til í hnénu. Hann verður örugglega ekki í byrjunarliðinu en gæti komið inná.”

Þá lofar Houllier að stilla upp sterku liði í kvöld gegn Grimsby en viðurkenndi þó að einhverjir fastamanna fengju að hvíla. Einnig væru margir leikmanna búnir að vera í erfiðum ferðalögum. Þannig hafi John Arne Riise verið í Armeníu og hann mundi taka tillit til slíkra þátta.

“En við unnum Newscastle án sex fastamanna þannig að hópurinn er nægilega breiður til að klárað dæmið.”