Daniel Sturridge gæti spilað

Daniel Sturridge missti af páskasigrinum í Norwich eftir að hafa meiðst í sigurleiknum á móti Manchester City. Hann tognaði þá lítilsháttar aftan í læri en er á batavegi og gæti spilað með Liverpool í hinum gríðarlega mikilvæga leik á móti Chelsea á sunnudaginn.

Brendan Rodgers, framkvæmdastjóri Liverpool, sagði á blaðamannafundi í dag að það væri möguleiki á að Daniel gati spilað á móti gamla liðinu sínu núna á sunnudaginn. Það kæmi í ljós á næsta sólarhring hvort hann myndi vera búinn að ná sér í tæka tíð.

Það er ljóst að miklu skiptir að Daniel Sturridge geti spilað á móti Chelsea. Hann hefur skorað 20 deildarmörk og 23 í allt á leiktíðinni og verið frábær.