Gullregn á laugardaginn !!

Á laugardaginn kemur lyftum við Liverpool menn okkur upp, fjölmennum á Spot þar sem frábær tilboð eru í gangi fyrir og eftir leik já og auðvitað á meðan honum stendur líka !  Gull getraun og tilkynnt hver heiðursgesturinn á árshátíðinni í mars verður.

Leikur Liverpool og Aston Villa hefst kl. 17:30 og verður margt um dýrðir á Spot í Kópavogi.

Sérstök Gull getraun verður í gangi fyrir leik, þeir sem kaupa stóran Gull geta svarað laufléttri spurningu og dregið verður úr réttum svörum í hálfleik.  Vinningshafar leystir út með kassa af Gulli.

Eins og áður sagði verða frábær tilboð í gangi á Spot:

• Stjór bjór fyrir meðlimi Liverpool klúbbsins (gegn framvísun skírteinis) á 500 kr, tveimur tímum fyrir leik og einnig eftir     leikinn til kl 21:00.
• Ostborgari og bjór á 1.500 kr á sama tímaramma.
• "Venjulegt" Liverpool verð á bjór 700kr á meðan leik stendur gegn framvísun skírteinis.

Rúsínan í pylsuendanum er svo tilkynning á heiðursgesti árshátíðarinnar sem verður í mars.  Það er ljóst að enginn verður fyrir vonbrigðum með þann gest sem ákveðið hefur að heiðra okkur með nærveru sinni.

Ef einhverntímann er ástæða til að mæta á heimavöll okkar þá er það á laugardaginn.

Að lokum má benda á að ef Luis Suarez skorar í leiknum verður hann fyrsti leikmaðurinn í sögu félagsins sem skorar í 9 heimaleikjum í röð í deildinni.  Þarna er þá komin enn önnur ástæða þess að lyfta sér upp í góðra vina hópi.