Fánadagur á Górillunni á sunnudaginn

Í tengslum við leik Liverpool og Manchester City, sem fram fer á Anfield, verður fyrsti fánadagur Liverpoolklúbbsins á Íslandi haldinn hátíðlegur á heimavelli klúbbsins, Úrillu Górillunni sem staðsettur er uppi á Stórhöfða.  Mikið og margt verður að gerast á fánadeginum og glæsileg verðlaun verða í boði.  Meðal þess sem við ætlum að taka okkur fyrir hendur er:

- Getraun

- Best skreytti einstaklingurinn

- Best skreytti krakkinn

- Best skreytta borðið

Nú er um að gera að dressa sig upp og mæta á svæðið í sínu fínasta Liverpool pússi, mæta tímanlega og taka þátt í að mynda frábæra stemmningu.

Að sjálfsögðu verða sérkjör klúbbsins í boði á svæðinu, hvort sem um ræðir mat eða drykk.  Dagskráin sem slík hefst klukkan 14:00 en leikurinn sjálfur hefst klukkan 15:00.  Nú er kjörið tækifæri til að koma saman, eiga góðan dag og enda þetta svo með því að sjá okkar menn hala inn sínum fyrstu 3 stigum í deildinni.