Sigurinn gefur okkur sjálfstraust

Jordan Henderson er ánægður með úrslitin í leik Manchester City og Liverpool í gærkvöldi. Hann segir að úrslit leiksins muni gefa liðinu aukið sjálfstraust fyrir komandi átök.

,,Þetta var góður sigur. Við spiluðum vel í fyrri hálfleik og svo tókst okkur að halda þeim niðri í seinni hálfleik. Við vorum auðvitað mjög varnarsinnaðir í seinni hálfleik og gerðum ekki mikið fram á við, en okkur tókst ætlunarverkið."

,,Það er afrek að sigra Manchester City á Etihad. Hvað þá að halda markinu hreinu þar."

,,Við erum strax farnir að hlakka til seinni leiksins á Anfield, en fyrst verðum við að einbeita okkur að nokkrum mikilvægum deildarleikjum."