Liverpool mun ekki áfrýja rauða spjaldinu

Liverpool mun ekki biðla til enska knattspyrnusambandsins um að draga rauða spjaldið sem Jay Spearing fékk í gær til baka. Hann verður því í banni í næstu þremur leikjum.

Óhætt er að segja að Jay Spearing hafi ekki brotið illilega af sér á Craven Cottage í gær þegar Kevin Friend ákvað að vísa honum út af, en samkvæmt Sky Sports News hefur Liverpool ákveðið að hreyfa ekki mótmælum við spjaldinu. Einkum af ótta við að mótmælin gætu orðið til þess að bann Spearing yrði enn lengra, en dæmi munu vera um slíka afgreiðslu hjá sambandinu.

Spearing mun því missa af næstu þremur leikjum í deildinni, gegn QPR, Aston Villa og Wigan.