Steven ekki búinn að ná sér

Steven Gerrard mun ekki verða tiltækur á sunnudaginn þegar Liverpool mætir Manchester City. Hann er enn ekki búinn að ná sér eftir sýkinguna sem hann fékk í ökkla fyrir mánuði.

Kenny Dalglish upplýsti á blaðamannafundi að batinn hjá fyrirliðanum væri mjög góður en hann yrði samt sem áður ekki leikfær á sunnudaginn. Það ætti á hinn bóginn að vera orðið stutt í að Steven Gerrard geti farið að æfa á nýjan leik og vonandi kemst hann þá á fullan skrið.