Carra klár í Chelsea leikinn

Jamie Carragher hefur náð sér af meiðslunum og er tilbúinn í slaginn gegn Chelsea á sunnudaginn. Spurningin er bara hvort hann kemst aftur í liðið.

Carragher missti af tveimur síðustu leikjum vegna smávægilegra meiðsla, en er nú kominn aftur á fullt.

Steve Clarke segir í viðtali við Liverpoolfc.tv í dag að Carragher hafi tekið vel á því á æfingum síðustu tvo daga og líti vel út.

Nú verðum við hinsvegar að bíða og sjá hvort hann kemst í liðið á ný, en Daniel Agger og Martin Skrtel hafa staðið vaktina í vörninni með prýði í fjarveru varafyrirliðans. Liðið hefur ekki fengið á sig mark í síðustu tveimur leikjum.