Fabio kominn á stjá

Fabio Aurelio er kominn á stjá eftir að hafa verið meiddur frá upphafi leikíðar. Hann lék aðeins einn leik á undirbúningstímabilinu en það var þegar Liverpool vann Valencia 2:0 í síðasta æfingaleiknum. Reiknað var með Fabio í fyrsta deildarleik en þá meiddist hann eins og svo oft áður.  

Það kemur í ljós hversu lengi bati Fabio varir að þessu sinni en hann hefur meiðst trekk í trekk frá því hann kom til Liverpool. Ekki er nú líklegt að hann komist í liðið því Jose Enrique hefur spilað mjög vel í stöðu vinstri bakvarðar alla leiktíðina. Það er þó alltaf gott að hafa menn til taks.