Allir heilir !

Kenny Dalglish upplýsti það á blaðamannafundi í dag að enginn leikmanna hans á við meiðsli að stríða og því verður valið erfitt fyrir leikinn við Manchester United.

Þeir Glen Johnson, Martin Kelly, Daniel Agger og Fabio Aurelio hafa allir verið að glíma við meiðsli undanfarið en hafa allir náð fullum bata.

,,Allir eru klárir," sagði stjórinn á blaðamannafundi í dag.  ,,Þessir þrír sem komu til baka frá Suður-Ameríku eru líka klárir.  Það er bara ég sjálfur sem er meiddur !  Ég kemst ekki einu sinni í liðið á æfingu.

,,En það er bara fimmtudagur - það er aldrei að vita nema að einhver meiðist á morgun !"