| Sf. Gutt

Stevie ánægður með endurkomuna

Steven Gerrard lék sinn fyrsta leik með Liverpool í rúmt hálft ár þegar hann kom inn á sem varamaður gegn Brighton í kvöld. Kappinn skipti við Luis Suarez á 75. mínútu, skellti fyrirliðabandinu á sig og var þar með mættur í slaginn á nýjan leik. 

Steven var að sjálfsögðu ánægður með að vera kominn til leiks á nýjan leik og lýsti því í viðtali við Liverpoolfc.tv. Hann lagði þó áherslu á að sigurinn væri mikilvægari en endurkoma hans sjálfs.

,,Þetta snerist um að komast áfram í næstu umferð og losa okkur við Tottenham leikinn og það gerðum við í kvöld."
 
Nú vilja auðvitað allir að Steven komi inn í liðið ekki seinna en strax. En hann vill fara varlega.

,,Framkvæmdastjórinn ræður þessu núna. Ég er auðvitað búinn að vera frá í sex mánuði svo það skiptir mestu að æfa meira og ná svo að spila meira og meira. Þannig kemst ég í þá leikæfingu sem ég vil ná."

,,Það er bara fínt að vera kominn í gegnum fyrstu prófraunina. Ég fer á æfingu á morgun og vonandi verð ég valinn í átján manna hópinn fyrir leikinn gegn Wolves svo ég geti spilað meira."

Við sjáum hvað setur á laugardaginn en það var magnað að sjá Steven Gerrard aftur úti á velli í búningi Liverpool!

Hér eru myndir af endurkomu Steven af Liverpoolfc.tv.







TIL BAKA
Nýlegar fréttir
Fleiri fréttir
Fréttageymslan