Dani Pacheco lánaður til Atletico Madrid

Staðfest var á heimasíðu Liverpool fyrir stundu að Dani Pacheco hefði verið lánaður til Atletico Madrid.

Um tíma var talið að Pacheco væri á leið til spænska félagsins Rayo Vallecano, jafnvel sem hluti af einhverju samkomulagi við Atletico Madrid.

Nú rétt áðan var tilkynnt á opinberri heimasíðu Liverpool að Spánverjinn ungi færi á lánssamningi til Atletico. Hvergi í tilkynningunni er minnst á Rayo Vallecano.

Daniel Pacheco hefur verið talinn einn allra efnilegasti leikmaður Liverpool síðustu árin. Honum hefur ennþá sem komið er ekki tekist að komast í aðallið Liverpool. Hann þykir líka með efnilegri leikmönnum Spánar og hefur leikið með yngri landsliðunum nú síðast með undir 20 ára liðinu.

Undir lok síðasta keppnistímabils var Daniel í láni hjá Norwich City og átti hann sinn þátt í að liðið komst upp í efstu deild. Hann á vonandi eftir að hafa gott af lánsdvölinni í Madrid.