Meiðsli Carragher ekki alvarleg

Jamie Carragher steinrotaðist eftir samstuð við hinn unga John Flanagan í leiknum gegn Arsenal í dag. Stöðva þurfti leikinn í langan tíma meðan hugað var að meiðslum kappans.

Carragher lá meðvitundarlaus í nokkrar mínútur á vellinum og jafnvel var talið að hann væri alvarlega slasaður. Sem betur fer var aðeins um heilahristing að ræða og Carragher er við hestaheilsu.

,,Ég man ekkert hvað gerðist, en mér leið ágætlega um leið og ég komst til meðvitundar. Mér er sagt að við höfum skollið saman, það getur alltaf gerst í boltanum", sagði Carra í viðtali eftir leikinn.

Kenny Dalglish var auðvitað á léttu nótunum þegar blaðamenn spurðu hann útí meiðsli Carragher: ,,Þetta leit illa út, en sem betur fer var þetta bara heilahristingur. Hann er orðinn góður í hausnum núna, eða eins góður og hann getur orðið allavega!"